ഇത് മരുത്വാമല ...
തപോവെളിച്ചത്തെ മനുഷ്യനന്മയ്ക്കുവേണ്ടി വിനിയോഗിച്ച
ശ്രീനാരായണഗുരുവിന്റെ തപോഭൂമി.

മരുത്വാമലയുടെ താഴ്‌വരയിൽ വിശ്വശാന്തിപകരുന്ന സ്വപ്നസൗധം;
മഹാഗുരുവിന്റെ വിശ്വശാന്തി മന്ദിരം

അരുൾ, അൻപ്, അനുകമ്പ
എന്നിവയുടെ മൂർത്തിയായി മരുത്വാമലയിൽ
ഗുരുദേവൻ ഇപ്പോഴും വസിക്കുന്നു.

മരുത്വാമല ...
ഗുരുദേവനിൽ ആദിമഹസിന്റെ പ്രഭാപൂരം നിറച്ച ദിവ്യസങ്കേതം

മുഹമ്മദ് നബിക്ക് ഹിറാഗുഹപോലെ
മോശയ്ക്ക് സിനായ് ഗുഹപോലെ, ബുദ്ധന് ബോധഗയപോലെ
ഗുരുവിന് മരുത്വാമല.

ആധാരശിലാ സ്ഥാപനം
2017 jan 30

00
days
00
hours
00
minutes
00
seconds

സമർപ്പണം

പൗരാണിക കാലം മുതൽക്ക് ഏകാന്തയോഗികളുടെ തപോഭൂമിയാണ് സഹ്യന്റെ ഈ ശിലാമകുടം. കന്യാകുമാരിക്കടുത്ത് ശുചീന്ദ്രം ദേശം. നാഗർകോവിലിൽനിന്ന് കന്യാകുമാരിക്കുള്ള യാത്രാമദ്ധ്യേ പൊറ്റയടി എന്ന സ്ഥലത്തെത്തിയാൽ ഈ വിശുദ്ധ ഭൂമി കാണാം. ഐതിഹ്യങ്ങളിൽ രാമരാവണ യുദ്ധകാലത്ത് വിഷബാണമേറ്റുവീണുപോയ ലക്ഷ്മണകുമാരനെ ജീവിപ്പിക്കാൻ ഹിമവൽസാനുവിൽനിന്ന് ഹനുമാൻ ഉയർത്തിക്കൊണ്ടുവന്ന മരുന്നുമലയുടെ ഒരു ഭാഗം അടർന്നുവീണ ഇടമാണെന്ന് രേഖപ്പെടുത്തുന്നു.

കൂടുതൽ അറിയാൻ

ശ്രീ നാരായണ ഗുരു ജീവിതചരിത്രം

1855

1882

1888

1903

1912

1913

1914

1924

1928

ഒരു കുട്ടിയിൽനിന്ന് പ്രായത്തിനുപറ്റിയ വാക്കുകളും പ്രവൃത്തിയുമാണ് ലോകർ പ്രതീക്ഷിക്കുന്നത്. അതിൽനിന്ന് വ്യത്യസ്തമായ വാക്കും പ്രവൃത്തിയുമുള്ള കുഞ്ഞുങ്ങളെ ലോകം അത്ഭുതത്തോടെ വീക്ഷിക്കും. അതാണ് ചെമ്പഴന്തിയിലെ വയൽവാരം വീട്ടിൽ മാടനാശാനും കുട്ടിയമ്മയ്ക്കും ജനിച്ച നാരായണൻ എന്ന കുഞ്ഞിനെ ജനിച്ച അന്നുതന്നെ പൊതുശ്രദ്ധയിൽ എത്തിച്ചത്. 1855 ചിങ്ങത്തിലെ ചതയം നക്ഷത്രം. ഓണമുണ്ട് ആലസ്യത്തിൽ കിടക്കുന്ന ഒരു നാട്ടിൻപുറം. രാവിലെ 6.15ന് ജനിച്ച കുഞ്ഞ് ഏറെനേരമായിട്ടും കരയുന്നില്ല. എല്ലാവരും ഭയന്നു. ചാപിള്ളയാണോ? അല്ല ജീവനുണ്ട്. ശാന്തമായി എല്ലാവരെയും നോക്കി നിർന്നിമേഷനനായി കിടക്കുന്നു. ഇക്കാണുന്ന മിഥ്യാലോകത്തെക്കണ്ട് കരയാനും ചിരിക്കാനും വന്നതല്ല. ഇതൊക്കെ നിഴൽക്കാഴ്ചയാണെന്നും അതിൽ ഭ്രമിച്ച് ചിരിച്ചോ കരഞ്ഞോ അലയരുത് എന്ന് ബോദ്ധിപ്പിക്കാൻ വന്നതാണെന്നും നാണു തന്റെ ജനനദിവസം തന്നെ വെളിപ്പെടുത്തി.

ഇരുപത്തിരണ്ടാം വയസിൽ ശ്രീനാരായണ ഗുരുദേവൻ അവധൂതനായി മരുത്വാമലയിൽ എത്തി. ആറുവർഷം മരുത്വാമലയുടെ മുകളിൽ പിള്ളത്തടം ഗുഹയിൽ ഏകാന്ത തപസനുഷ്ഠിച്ചു. പിള്ളത്തടം ഗുഹയിൽവച്ചാണ് ഗുരുദേവൻ പൂർണസത്യത്തെ സാക്ഷാത്കരിച്ചത്. തുടർന്ന് മോക്ഷപ്രാപ്തിയിലേക്ക് പോകുന്ന ഏകാന്തയോഗികളുടെ പ്രഖ്യാപിത രീതിയെവെടിഞ്ഞ് ദുരിതമനുഭവിക്കുന്ന മനുഷ്യർക്ക് ആശയും ആശ്വാസവും നൽകാനായി ഗുരു ലോകസംഗ്രഹത്തിനായി മലയിറങ്ങി. അരുവിപ്പുറം കൊടിതൂക്കി മലയിൽ എത്തി. അവിടെയും കുറച്ചുനാൾ തപസ് അനുഷ്ഠിച്ചു.

1888ലെ ശിവരാത്രി നാളിൽ ചതയം നക്ഷത്രത്തിൽ വെളിപ്പിന് 3.30 ന് യുവാവായ ശ്രീനാരായണഗുരു അരുവിപ്പുറത്തെ നെയ്യാറിൽ ശങ്കരൻ കുഴിയിൽ നിന്ന് മുങ്ങിയെടുത്ത ശിലാഖണ്ഡം ഒരു പാറത്തടത്തിൽ പ്രതിഷ്ഠിച്ചു. ആ ശില അത്ഭുതകരമായ വേഗത്തിൽ ശിലാതടത്തിൽ ഉരുകിച്ചേർന്നു. ജാതിഭേദമില്ലാത്ത മതദ്വേഷമില്ലാത്ത മനുഷ്യരായിട്ടുള്ളവർക്കെല്ലാം ദൈവത്തെ കണ്ടു തൊഴാവുന്ന ആദ്യത്തെ മാതൃകാസ്ഥാനമായി അരുവിപ്പുറം പ്രതിഷ്ഠ അവിടെ നടത്തുകയായിരുന്നു.

അരുവിപ്പുറം ക്ഷേത്രത്തോടനുബന്ധിച്ച് പ്രവർത്തിച്ചിരുന്ന അരുവിപ്പുറം ക്ഷേത്രപരിപാലന യോഗം, വാവൂട്ടുയോഗം എന്നിവയെ ഒരു പൂർണ വൈദിക, സാമൂഹ്യ പരിഷ്കരണ പ്രസ്ഥാനമാക്കാൻ ഗുരു തീരുമാനിച്ചു. ഡോ. പല്പു എന്ന മഹാനായ സാമൂഹ്യപരിഷ്കർത്താവിന്റെ ശ്രമഫലമായി 1903 മേയ് 15ന് അരുവിപ്പുറത്തെ പ്ളാവിൻചുവട്ടിൽ ശ്രീനാരായണധർമ്മ പരിപാലന യോഗം രൂപീകരിച്ചു. ഗുരുദേവൻ ആജീവനാന്ത പ്രസിഡന്റായും കുമാരൻ ആശാൻ ജനറൽ സെക്രട്ടറിയായും ഡോ. പല്പു വൈസ് പ്രസിഡന്റായും തിരഞ്ഞെടുക്കപ്പെട്ടു.

ക്ഷേത്രപ്രതിഷ്ഠകളിലൂടെ വിശ്വാസശുദ്ധി വരുത്തിക്കൊണ്ട് അയിത്തത്തിനും അന്ധവിശ്വാസങ്ങൾക്കും എതിരെ നടത്തിയ വിപ്ളവാത്മക പരിഷ്കരണങ്ങളുടെ രണ്ടാം ഘട്ടമായി ഗുരുദേവൻ വിദ്യാഭ്യാസ വിപ്ളവത്തിന് തുടക്കമിട്ടുകൊണ്ട് ശിവഗിരിയിൽ ശാരദാപ്രതിഷ്ഠ നടത്തി. കേരളത്തിന്റെ വിദ്യാഭ്യാസചരിത്രത്തിൽ പുരോഗതിയുടെ രജതരേഖയായി മാറിയത് വിദ്യാദേവതയായ ശാരദയെ പ്രതിഷ്ഠിച്ചതിലൂടെയാണ്. 1912ലെ ചിത്രാപൗർണമി ദിവസമായിരുന്നു പ്രതിഷ്ഠ.

ശാരദാ പ്രതിഷ്ഠയ്ക്കുശേഷം ഗുരുദേവൻ ശിവഗിരിയിൽ നിന്നിറങ്ങി സഞ്ചരിച്ചെത്തിയത് ആലുവ പുഴയുടെ തീരത്തായിരുന്നു. ഭക്തരിൽനിന്ന് ലഭിച്ച പാദകാണിക്കയിലൂടെ ഗുരു അവിടെ കുറച്ച് സ്ഥലം വാങ്ങി 1913ൽ അദ്വൈതാശ്രമം സ്ഥാപിച്ചു. ഒരു സംസ്കൃത വിദ്യാപീഠവും ഉണ്ടാക്കി. ജാതി ഭേദമന്യേ എല്ലാവർക്കും സംസ്കൃതം പഠിക്കാനും പ്രതിഷ്ഠകളില്ലാതെ ദൈവത്തെ ഭജിക്കാനും ഒരിടമായി അദ്വൈതാശ്രമം മാറി. മഹാത്മജിയടക്കം പല മഹത്തുക്കളും ഇവിടെ സന്ദർശിച്ചിട്ടുണ്ട്. ആലുവ ശിവക്ഷേത്രത്തിന്റെ എതിർഭാഗത്തായി പുഴയുടെ തീരത്താണ് ആശ്രമം.

ദൈവോപനിഷത്ത് എന്ന് പിൽക്കാലത്ത് പണ്ഡിതസമൂഹം വാഴ്ത്തിയ ദൈവദശകം എന്ന ലഘുപദ്യം ഗുരുദേവൻ രചിച്ചത് 1914ൽ ആയിരുന്നു. ശിവഗിരിയിൽ താമസിക്കുന്ന ദളിത്ബാലന്മാർക്ക് രണ്ടുനേരം ഈശ്വരപ്രാർത്ഥനയ്ക്കായിട്ടാണ് ദൈവദശകം രചിച്ചത്. ഏത് മതവിശ്വാസിക്കും ദൈവത്തെ പ്രാർത്ഥിക്കാവുന്ന ലോകത്തെ ഏകസമ്പൂർണ പ്രാർത്ഥനാഗീതമാണ് ദൈവദശകം.

ലോകത്തെ രണ്ടാമത്തേതും ഏഷ്യയിലെ ആദ്യത്തേതുമായ സർവമത സമ്മേളനം ആലുവ അദ്വൈതാശ്രമത്തിൽ ഗുരുദേവൻ സംഘടിപ്പിച്ചത് 1924ൽ ആയിരുന്നു. എല്ലാ മതങ്ങളുടെയും സാരാംശം ഒന്നാണെന്ന് ബോദ്ധ്യമാകാൻ സ്വന്തം മതത്തിന്റെയും ഇതരമതങ്ങളുടെയും ദർശനങ്ങൾ പഠിക്കാൻ ഒരിടം ഉണ്ടാകണമെന്നും അതിന് ബ്രഹ്മവിദ്യാലയമെന്നാണ് പേരിടുകയെന്നും ഗുരു ആ സമ്മേളനത്തിൽ പ്രഖ്യാപിച്ചു.

വിഖ്യാതമായ ഒരു മനുഷ്യ ജന്മംകൊണ്ട് വിശ്വമാനവനെ മഹത്വത്തിന്റെ വഴിയേ നടക്കാൻ ശീലിപ്പിച്ച് വിഭാഗീയതയും വർഗവ്യത്യാസവും ഇല്ലാത്ത ലോകം പണിതുയർത്തിയ ഗുരുദേവൻ ആദിമഹസിൽ ലയിക്കാൻ ശരീരം വെടിഞ്ഞുകൊണ്ട് മഹാസമാധിയെ പ്രാപിച്ചത് 1928 സെപ്തംബർ 21നായിരുന്നു. അന്നേദിവസം പകൽ 3.15നായിരുന്നു ഭഗവാന്റെ മഹാസമാധി.

Swami Vishudhananda

Madathipathi - Maruthwamala

വാർത്തകൾ

'മരുന്നുമാമല' ഡോക്യുഫിക്ഷൻ പ്രകാശനം 9ന്

തിരുവനന്തപുരം: ശ്രീനാരായണ ഗുരുദേവന്റെ മരുത്വാമല തപസിന്റെയും ആത്മസാക്ഷാത്കാരത്തിന്റെയും ഇതുവരെ വെളിപ്പെടാത്ത.. കൂടുതൽ അറിയാൻ

കൂടുതൽ അറിയാൻ

കൂടുതൽ അറിയാൻ

കൂടുതൽ അറിയാൻ

കൂടുതൽ അറിയാൻ

വിശ്വശാന്തി മന്ദിരം

ശ്രീനാരായണഗുരുദേവന്റെ തപോഭൂമിയിൽ ഗുരുവിനെ അറിയാനും പഠിക്കാനും ആരാധിക്കാനും ഗവേഷണം നടത്താനും ശാന്തമായി ഇരുന്ന് ജപിക്കാനും തപസനുഷ്ഠിക്കാനുമെല്ലാം ഒരിടം എന്ന നിലയിലാണ് മരുത്വാമലയുടെ താഴ്‌വാരത്ത്..കൂടുതൽ അറിയാൻ

ഗുരു പാഠങ്ങൾ

"ജാതിയെന്നത് ഉള്ളതല്ല. അത് സ്വാതന്ത്ര്യത്തെയും ബുദ്ധിയെയും നശിപ്പിക്കുന്നു. മനുഷ്യനെ അടിമകളാക്കുന്നു."

"ഒരു ജാതിയും മറ്റൊന്നിനേക്കാൾ മുന്നിലോ പിന്നിലോ അല്ല. അതിനാൽ ജാതി അയിത്തത്തിന് അടിസ്ഥാനമില്ല."

"വാദത്തിനുവേണ്ടി വാദിക്കരുത്. വാദിക്കാനും ജയിക്കാനും വേണ്ടി പറയരുത്. അറിയാനും അറിയിക്കാനും വേണ്ടി പറയുക."

"മറ്റുള്ളവരെ നിരൂപണം ചെയ്യാൻ പഠിച്ചാൽപോര. എല്ലാവരും ആത്മപരിശോധന നടത്താനും ശീലിക്കണം"

"ശുചിത്വം അടുക്കളയിൽനിന്ന് തുടങ്ങണം. ഈശ്വരാരാധന എല്ലാ ഗൃഹങ്ങളിലും എത്തണം. ഈശ്വരൻ എല്ലാ ഹൃദയങ്ങളിലും വസിക്കുമാറാകണം."

"മദ്യം ബുദ്ധിയെ കെടുത്തും ജീവിതം നശിപ്പിക്കും ആരോഗ്യത്തെ ഇല്ലാതാക്കും. അതിനാൽ മദ്യം ഉണ്ടാക്കരുത്, കൊടുക്കരുത്, കുടിക്കരുത്."

"ജാതിവ്യത്യാസം ഇല്ലാതാകണം, പാശ്ചാത്യരും പൗരസ്ത്യരും തമ്മിൽ ഒന്നാവണം. അപ്പോൾ മനുഷ്യരാശിയും ഒന്നായിത്തീരും."

"ഒരു ജാതി ഒരു മതം ഒരു ദൈവം മനുഷ്യന്"

"മതമേതായാലും മനുഷ്യൻ നന്നായാൽ മതി"

"അനാചാരത്താൽ പുണ്യം നശിക്കുന്നതുകൊണ്ട് നീചവും അധമവുമായ പ്രവൃത്തി ഒരിക്കലും ചെയ്യരുത്."

ഈ പുണ്യസങ്കേതത്തിന്റെ സാക്ഷാത്കാരത്തിനായി അങ്ങേക്കും പങ്കുചേരാം

സമർപ്പണം